Një identitet i ri i markës në prag të 20 vjetorit

Dhoma Amerikane e Tregtisë ka kënaqësinë t’Ju prezantojë me Imazhin e ri të Identitetit të saj, në prag të 20 vjetorit të Themelimit të saj dhe përpara Asamblesë së Përgjithshme, e cila do mbahet në 15 Tetor. Imazhi i ri i AmCham simbolizon partneritetin midis SHBA dhe Shqipërisë, si dhe përfaqëson evoluimin e organizatës, në dy dekada mbështetje ndaj komunitetit të biznesit. Imazhi i ri vizual i AmCham shkrin në një element të vetëm unik, simbolin përfaqësues të të dy vendeve – ngjyrën e kuqe dhe blu, të flamurit Amerikan dhe shqiponja dykrenare, simbol i flamurit Shqiptar.