Dhoma Amerikane ka përcjellë përmes Kryetares së Komitetit të Taksave, Alketa Uruci, në Komisionin për Veprimtaritë Prodhuese, Tregtinë dhe Mjedisin, komentet lidhur me projektligjin “Për përgjegjësitë e zgjeruara të subjekteve prodhuese të produkteve që gjenerojnë mbetje”
Znj. Uruci theksoi se ligji në gjendjen aktuale jo vetëm nuk është konsultuar me organizatat e biznesit por shfaq disa mangesi teknike që e bëjnë ata të pazbatueshëm dhe për rrjedhojë nuk realizon qëllimin për të ndikuar në ruajtjen e ambjentit. Projektligji duhet të trajtohet si pjesë e ligjit për Menaxhimin e Mbetjeve të Integruara i cili nuk është miratuar akoma duke e bërë më konfuz zbatimin e tij. Dhoma Amerikane kërkoi shtyrjen e miratimit të këtij projektligji pë të patur mundësinë e reflektimit të të gjitha shqetësimeve që vijnë nga biznesi dhe që e bëjnë më efikas zbatimin e tij.
